SUG‘URTA TASHKILOTLARIDA ZAXIRALARNI HISOBGA OLISHNI TAKOMILLASHTIRISH

Abstract

Ushbu maqolada sug‘urta tashkilotlari faoliyatida zaxiralarni shakllantirish va ularni hisobga olish tizimini takomillashtirishning nazariy va amaliy jihatlari o‘rganilgan. Sug‘urta zaxiralari — bu sug‘urtalovchining bo‘lajak majburiyatlarini bajarishi uchun ajratiladigan mablag‘lar bo‘lib, ular moliyaviy barqarorlik va to‘lovga layoqatlilikni ta’minlashda muhim rol o‘ynaydi. Mamlakatimizda sug‘urta sektori izchil rivojlanayotgan bo‘lsa-da, zaxiralarni hisobga olishda xalqaro moliyaviy hisobot standartlariga to‘liq mos kelmaslik, shaffoflikning yetarli darajada ta’minlanmaganligi va avtomatlashtirishning pastligi kabi muammolar mavjud. Maqolada ushbu muammolar chuqur tahlil qilinib, ilg‘or xorijiy tajribalar asosida yechimlar taklif qilingan. Xususan, aktuar baholash metodlari, zamonaviy axborot tizimlarini joriy etish, va xalqaro standartlar asosida hisob yuritish orqali sug‘urta zaxiralarini hisobga olishni takomillashtirish yo‘nalishlari asoslab berilgan. Tadqiqot natijalari sug‘urta tashkilotlarining moliyaviy hisobotlarini ishonchli va shaffof yuritishiga, hamda investorlar, regulyatorlar va iste’molchilar uchun ishonch muhitini mustahkamlashga xizmat qiladi.