RAQAMLASHTIRILGAN OLIY TA'LIM: YANGI IMKONIYATLAR VA SAMARALI TA'LIM

Abstract

Oʻzbekiston Respublikasi Prezidenti Shavkat Mirziyoyev Oliy Majlis va Oʻzbekiston xalqiga Murojaatnomasida “ta’lim sifatini oshirish – Yangi Oʻzbekiston taraqqiyotining yakkayu yagona toʻg‘ri yoʻlidir” deya ta’kidladi. Shubhasiz, ta’lim sifatini oshirish mamlakatimiz kun tartibida turgan dolzarb masalalardan biridir. Zero, buning zamirida mamlakatni rivojlangan davlatlar qatoriga olib chiqishga qodir boʻlgan yetuk mutaxassislarni yetishtirish masalasi mavjud. Shu jihatdan, Oʻzbekiston Prezidenti Shavkat Mirziyoyev oʻz Murojaatnomasida ta’limni “Yangi Oʻzbekiston uchun eng katta investitsiya” deb ta’kidlagani chuqur strategik ahamiyatga ega.