TIL TA’LIMIDA ZAMONAVIY RAQAMLI TEXNOLOGIYALARDAN FOYDALANISH

Abstract

Mamlakatimiz jadal rivojlanayotgan va chet mamlakatlar bilan oʻzaro aloqalar tobora kuchayayotgan hozirgi zamonda xorijiy mamlakatlar bilan oʻzaro iqtisodiy va madaniy aloqalar jadal rivojlanib, til ta’limiga boʻlgan e’tibor ham ancha kuchaydi va til oʻrganishga boʻlgan munosabat ham tubdan oʻzgardi. Shu tufayli, tilni faol oʻrganishga hamda til ta’limiga va tarjimaga raqamli texnologiyalar usullarini jalb qilish yanada rivojlanib ketdi. Bu borada bir qancha ilmiy ishlar amalga oshirildi va kitoblar ham chop etildi [1-4]. Ushbu manba’larga tayangan xolda aytishimiz mumkinki, raqamli texnologiyalar bu – real voqe’llikni toʻldirib turadigan virtual muhitdir. Borgan sari koʻproq mamlakatlar va mintaqalar rivojlanish jarayonida raqamli texnologiyalarning ahamiyati ancha katta ekanligini tan olmoqdalar. Huddi shuning uchun ham Germaniyada 4.0 Industriya, Singapurda Smart Nation va Evropa Ittifoqida Horizon 2020 kabi milliy strategiyalarni rivojlantirishga katta ahamiyat berilmoqda. Shuningdek, Markaziy Osiyoda joylashgan Qozog’ston va Qirg’izston mamlakatlari Digital Kazakstan va Kyrgizstan Taza Koom deb nomlangan milliy raqamli texnologiyalarini rivojlantirish rejalarini keng jamoatchilikka taqdim etib kelmoqdalar. Albatta horijiy tillarni oʻrganish jarayoni ham bu oʻzgarishlardan xoli boʻlmaydi. Shuning uchun ham quyida til oʻrganish uchun samarador boʻlishi mumkin boʻlgan bir qancha texnologiyalarni oʻrganib chiqamiz. Hozirgi davrda raqamli texnologiyalarni til oʻrganish jarayoniga jalb qilish va uning samaradorligini oshirish uchun quyidagi usullardan foydalanishning real imkoniyatlari mavjud [2]: