TA’LIM TIZIMIDA INNOVATSION O'QITISH TEXNOLOGIYALARINI QO'LLASH IMKONIYATLARI

Abstract

Ta’lim jarayoni rivojiga bir nazar tashlasak, bugungi kunda kompyuter telekommunikatsiyalari yordamida qanchalik muhim pedagogik masalalarning yechimi topilayotganligiga ishonch hosil qilishimiz mumkin. Ta’limning turli sohalarida kompyuter telekommunikatsiyalarining qoʻllanilish tajribalaridan shuni koʻrish mumkinki, axborot texnologiyalari bizga bir qator ijobiy imkoniyatlarni yaratib berayapti, quyidagilar shular jumlasidandir: professor-oʻqituvchilar, ilmiy xodimlar va talabalarning har xil turdagi hamkorlik ilmiy tadqiqotlarini tashkil etish; ilmiy-uslubiy markazda ta’lim olayotgan keng ommaga tezkor mutaxassis maslahatlarini tashkil etish va yetkazish; masofaviy ta’lim va pedagogik kadrlar malakasini oshirish tarmog‘ini tashkil etish; tezkor axborot almashinuvi; ta’limdagi sheriklarning, bu talaba, oʻquvchi, oʻqituvchi, ilmiy xodim boʻlishidan qat’iy nazar, ularga oʻzaro fikr almashinish koʻnikmalarini hosil qilishni, muomala madaniyatini va oʻz fikr-mulohazalarini tez, loʻnda va aniq ifoda etishni oʻrgatish; madaniy, etnik, insonparvarlikning keng qamrovli ijobiy axborotlari bilan fikr almashinish natijasida yoshlarning madaniy va ijtimoiy qobiliyati va layoqatini oʻstirish va hokazo.