ELEKTRON TA’LIM RESURSLARI TUSHUNCHASI VA UNING TA’LIM JARAYONIDAGI O'RNI

Abstract

Axborot texnologiyalari sohasi jadal sur’atlar bilan rivojlanib, takomillashib borayotgan bugungi kunda ta’limni axborot texnologiyalari asosida tashkil etish, uning mazmunini talabalar ongiga toʻlaqonli singdirish dolzarb muammo sifatida koʻtarilmoqda. Zamonaviy axborot texnologiyalari muhitida oʻqitishning muammoli usuli axborot-retseptiv va reproduktiv metodlari bilan birgalikda keng qoʻllaniladi. Bu muhitda elektron ta’lim resurslari ta’lim mazmunini taqdim etish, talabaning bilish faoliyatini boshqarish va nazorat qilish vositalari sifatida foydalaniladi. Shu munosabat bilan ta’lim muassasalari oʻquv dasturlariga mos zamonaviy dizayn talablari asosida elektron ta’lim resurslarini yaratish lozim boʻladi. Bu jarayonda ayni oʻquv materiali bir qancha vositalar bilan taqdim etilishi mumkin. Masalan oʻquv materiallari nashr, audio, video, CD-disklar koʻrinishida boʻlishi mumkin. Oʻqitishning har bir vositasi oʻziga xos didaktik imkoniyatlarga ega boʻlib, oʻqituvchi bunday imkoniyatlarni yaxshi bilishi va oʻquv materiallarini mazkur vositalar boʻyicha taqsimlay olishi hamda ulardan didaktikmasalalarning yechimiga bag’ishlangan oʻquv axborotlarni ajratib olmog’i lozim boʻladi.