QALQONSIMON BEZ GIPOFUNKSIYA XOLATIDAGI ONALARDAN TUG’ILGAN AVLODLARNING MEZENTERIAL LIMFA TUGUNLARINING MORFOLOGIK O’ZGARISHLARI

Abstract

Qalqonsimon bezning funktsional holatiga atrof-muhitning ifloslanishi, ijtimoiy sharoitlar va ovqatlanishning yomonlashuvi, stress ta'sirining oshishi, aholining allergizatsiyasi va immunizatsiyasi ta'siri ostida o'zgaradi. Shu munosabat bilan, keyingi yillarda qalqonsimon bez patologiyasi nafaqat tibbiy balki ijtimoiy muammoga aylanib bormoqda. Populyatsiyada  gipotireozning  tarqalishi odatda  gipertireozga qaraganda yuqori bo'ladi. Germaniyada gipotireozning o'rtacha tarqalishi 0,2% ni, subklinikasi esa 3,6% ni tashkil qiladi. Jahonda bir qator ilmiy nashrlarga ko'ra, gipotireoz bilan kasallanish juda keng diapazonda o'zgarib turadi - 100 ming aholiga nisbatan  12 dan 345 gacha.[http\\www.pathologyoutlines.com]. Qalqonsimon bez metabolizmning barcha turlariga gumoral ta'sir ko'rsatadi, gomeostazning individual darajasini belgilaydi, organizmning fiziologik va patologik jarayonlarida neyroimmun-endokrin regulyatsiyasining ajralmas bo'g'ini rolini o'ynaydi, ular orasida homiladorlik alohida o'rin tutadi. JSST ma'lumotlariga ko'ra, qalqonsimon bez patologiyasi ayollarda homiladorlik paytida va homilaning gomeostatik mexanizmlarini rivojlanishida yuqori xavfli omillardan biridir. Qalqonsimon bezning reproduktiv funktsiyani normal ushlab turishdagi ahamiyati katta: gipotireoz bilan ko'pincha bepushtlik rivojlanadi, homilador ayollardagi gipotireoz ulardan tug'iladigan avlodga salbiy ta'sir ko'rsatib, rivojlanayotgan organizmda immunogenez jarayonining buzilishi va immun tanqisligiga, markaziy asab tizimiga zararli tasir ko’rsatib differentsiatsiyasining buzilishiga olib keladi.