TA’LIM JARAYONIDA ELEKTRON DARSLIKLARNING OʻRNI

Abstract

Zamon rivojlanishi natijasida kundalik hayotimizga turli xil innovatsion texnologiyalar va gadjetlar kirib keldi. Ular yildan-yilga mukammallashib bormoqda va inson hayoti mazmuniga aylanib qolganligi, ularsiz bir kunini ham tasavvur qila olmaydiganlarning mavjudligini ham inkor qilib boʻlmaydi. Ta’lim jarayonini innovatsion texnologiyalar bilan boyitish oʻqitish sifatini oshirishga, qiziqarli, rang-barang qilishini bilamiz Shu oʻrinda, elektron darsliklarga toʻxtalib, ularning yutuq va kamchiliklarini koʻrib chiqaylik. Elektron darsliklar maxsus qurilma yoki dasturiy ta’minot boʻlib, ta’lim jarayonida an’anaviy qog‘oz kitob oʻrnini bosadi. Bugungi kunga kelib elektron kitob tushunchasiga turlicha ta’riflar mavjud. Ayrim manbalarda ular an’anaviy qog‘oz kitoblarning elektron koʻrinishi deyilsa, boshqalarda matnlardan tashqari, oʻquvchilarga taqdim qilish uchun ta’limiy multimediya materiallariga hamda markaziy manba tomonidan yangilanib turuvchi, bilimlarni nazorat qiluvchi interaktiv blokka ega elekrton qurilmalardagi murakkab dasturlar yig‘indisi deya ta’riflanadi.